يا فرحه هلي وتعالي
نسياني ديماً ليه
ورجعيلي بسمتي دا قلبي
فايض بيه
قلبي تعب من الألم
والكبر بان عليه
نفسي بقى يعيش
من غير إزاي وليه
نفسي احس الفرح
واعوض اللي فات
وانسى الألم والجرح
وكمان الذكريات
الله على طعم الفرح
اللي بدور عليه
حساه من غير ما اعيشه
اكمني بحلم بيه
يلا يا فجر شق الليل
وامحي بنورك ظلمة الأيام
لبسني توب الفرح
ونسي قلبي الهم والآلام
خليه يعيش من جديد
الحب والشوق والغرام
وياخدني معاه لبعيد
في دنيا الحب والأحلام
دا أنا قلبي طاير يرفرف
بيخطي سور ورا سور
قلبي اللي كان مجروح
وجناحه كان مكسور
حالف ليتحدي الزمن
ولازم يعيش منصور
ومهما زاد الثمن
هزرع في قلبي النور
بقلمي...... نفيسه محمود درويش
ليست هناك تعليقات:
إرسال تعليق