خنتني ليه ما تتكلم
دا قلبي معاك ياما اتألم
وعمره في يوم ما أتكلم
مهما اسئت ليه
من كل قلبي أنا حبيتك
واغلى ما عندي اديتك
عن روحي ونفسي بديتك
وجوا عنيا خبيتك .......
قولي ليه خنتني ليه
وهنت عليك تبكيني
وتجرح قلبي وتنهيني
بنار الغدر تكويني
وتشمت فيا عدويني
دا كله ليه
اديتك كل اهتمامي
وحبي ويا حناني
وحاربت معاك زماني
وأهلي وكمان خلاني
بس انت اديتني إيه
غدر وجرح وقسيه
جفت دموع عنيه
غدرك كان صعب عليه
لكن أعمل إيه
أنا ياما الناس قالولي
عنك كلام كتير
قالولي إنك خاين
وقلبك ملهوش كبير
وأنا قلبي عشان ماحبك
عمره في يوم ما أساءلك
وكان بيحافظ عليك
وكان جزاؤه إيه
قلبك زمان عاهدني
على الحب والوفا
دلوقتي قلبك غدربي
وعلم قلبي الجفا
دلوقتي جاي تقولي
سامحيني غصب عني
تبكي وتقول مش قصدي
ودا بعد ايه
اشهد بقى يا زماني
مش ممكن ارجع تاني
ضيعت خلاص أحلامي
وضاعت كل الأماني
لأنك إنسان أناني
ميعتمدش عليه
أم نور( نفيسه محمود درويش )
ليست هناك تعليقات:
إرسال تعليق